اسلام آباد – 28 نومبر (اي پي پي) عمان جي رائل بحريه جي سربراهه ريئر ايڊمرل عبدالله بن خامسن بن عبدالله ال رئيسي نيول هيڊڪوارٽرز جو دورو ڪيو، پاڪ بحريه جي سربراهه ايڊمرل ظفر محمود عباسي سان ملاقات ڪئي. نيول هيڊڪوارٽر پهچڻ تي پاڪ بحريه جي سربراهه عمان جي رائل بحريه جي سربراهه جو استقبال ڪيو. پاڪ بحريه جي دستي معزز مهمان کي سلامي پيش ڪئي. سلامي کانپوءِ معزز مهمان جو نيول هيڊڪوارٽرز ۾ مقرر پرنسپل اسٽاف آفيسرز سان تعارف ڪرايو ويو.