اسلام آباد – 07 نومبر (اي پي پي) وزيراعظم شاهد خاقان عباسي پاڪستان ۽ پولينڊ جي وچ ۾ خاص طور تي توانائي، زراعت ۽ فوڊ پراسيسنگ جي شعبن ۾ اقتصادي تعاون کي سگهه ڏيڻ جي ضرورت تي زور ڏيندي چيو آهي ته پاڪستان جي ترقي ڪندڙ معيشت پولينڊ جي سيڙپڪارن ۽ ڪاروباري برادري جي لاءِ منافعو ڏيندر گڏيل منصوبن ذريعي مختلف شعبن ۾ وسيع تر موقعا پيش ڪري ٿي. هن اها ڳالهه جمهوريه پولينڊ جي مارشل آف سينيٽ اسٽينس لا ڪارڪز يوسڪي سان وزيراعظم آفيس ۾ ڳالهائيندي چئي.
