اسلام آباد – 20 نومبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب پاڪستان ۽ قازقستان جي وچ ۾ ميڊيا، معلومات، ثقافت جي ميدان ۾ وسيع بنياد ۽ ڊگهي مدي واري حصيداري جي ضرورت تي زور ڏيندي چيو آهي ته موجوده جمهوري حڪومت اظهار راءِ جي آزادي تي مڪمل يقين رکي ٿي، ميڊيا ٻنهي ملڪن جي ڀائراڻن ۽ ٻطرفن لاڳاپن کي مضبوط بڻائڻ ۾ اهم ڪردار ادا ڪري سگهي ٿي، ٻنهي ملڪن جي ميديا جي نمائندن، ثقافتي وفدن ۽ هڪ ٻئي جي يونيورسٽين جي شاگردن جي وفدن جي مٽاسٽا تسلسل سان ٿيڻ گهرجن. هو قازقستان جي ميڊيا جي اعليٰ سطحي وفد سان ملاقات ڪري رهي هئي.
