اسلام آباد – 10 نومبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب پاڪستان ٽيليويزن ڪارپوريشن جي انتظاميا کي ڊائريڪٽ ٽو هوم (ڊي ٽي ايڇ) سروسز جاري ڪرڻ جي لاءِ ڪم جلد شروع ڪرڻ جي هدايت ڪئي آهي ته جيئن ڏسندڙن کي بهترين، بنا رڪاوٽ، معياري بهتر خدمتون ميسر ٿي سگهن. هو هڪ اعليٰ سطحي اجلاس جي صدارت ڪري رهي هئي. هن چيو ته ملڪ جي ٽيڪنالاجي منظرنامي کي تبديل ڪرڻ پاڪستان مسلم ليگ (ن) جي حڪومت جي پاليسي جو حصو آهي جنهن ۾ جديد ترين موبائيل ٽيڪنالاجي فور ۽ فائيو جي سروسز جي فراهمي به شامل آهي.
