سوچي – 30 نومبر (اي پي پي) وزيراعظم شاهد خاقان عباسي شنگهائي تعاون تنظيم (ايس سي او) جي سربراهن جي 16 هين اجلاس ۾ شرڪت لاءِ روس جي شهر سوچي پهچي ويو آهي. ايئرپورٽ آمد تي ڪرانسودر ريجن جي ڊپٽي گورنر ۽ روس جي پرڏيهي معاملن جي وزارت جي چيف آف پروٽوڪول سندس استقبال ڪيو. روس ۾ پاڪستان جي سفير قاضي ايم خليل الله ۽ ٻيا اعليٰ عملدار ان موقعي تي موجود هئا. وزيراعظم رشين فيڊريشن جي وزيراعظم دمتري ميدودوف جي دعوت تي شنگهائي تعاون تنظيم جي سربراهن جي 16 هين اجلاس ۾ شرڪت ڪري رهيو آهي جيڪو پهرين ڊسمبر تائين جاري رهندو.