اسلام آباد – 07 نومبر (اي پي پي) وزيراعظم شاهد خاقان عباسي سان گڏيل عرب اماراتن جي نئين سفير حمد عبيد ابراهيم سالم الزابي وزيراعظم آفيس ۾ خيرسگالي ملاقات ڪئي. وزيراعظم سفير جي آجيان ڪندي ان ڳالهه تي زور ڏنو ته پاڪستان ۽ يو اي اي جي وچ ۾ تاريخ، گرمجوشي ۽ ڀائيچاري وارا ويجها لاڳاپا آهن جيڪي وڌندا رهڻ گهرجن. يو اي اي جي سفير شاندار استقبال تي وزيراعظم جا ٿورا مڃيندي چيو ته هو ٻنهي ملڪن جي وچ ۾ لاڳاپن کي وڌيڪ سگهه ڏيڻ جي مضبوط عزم سان آيو آهي.
