اسلام آباد – 07 نومبر (اي پي پي) وزيراعظم شاهد خاقان عباسي سان زرعي ترقي بابت عالمي فنڊ (آءِ ايف اي ڊي) روم جي ڊائريڪٽر (عالمي رابطا) اشواني ڪي موٺو وزيراعظم آفيس ۾ ملاقات ڪئي. وزيراعظم کي 1978ع کان پاڪستان ۾ آءِ ايف اي ڊي جي شروع ڪيل منصوبن بابت آگاهه ڪندي ٻڌايو ته گذريل 40 سالن ۾ آءِ ايف اي ڊي پاڪستان ۾ زراعت، ڳوٺاڻي ترقي ۽ غربت جي خاتمي وارن شعبن ۾ (گڏيل فنانسنگ سميت) 2.2 ارب ڊالر ماليت جي منصوبن تي عملدرآمد ڪيو آهي.