اسلام آباد – 13 نومبر (اي پي پي) صدر ممنون حسين وفاقي حڪومت جي آرٽسٽس ويلفيئر فنڊ سان ملڪ جي مختلف حصن سان تعلق رکندڙ فنڪارن جي لاءِ مالي امداد جي منظوري ڏئي ڇڏي آهي. وفاقي حڪومت جي آرٽسٽس ويلفيئر فنڊ جو اجلاس صدر ممنون حسين جي صدارت ۾ ايوان صدر ۾ ٿيو جنهن ۾ ناڻي واري وزارت، ڪابينا ڊويزن، سيڪريٽري اطلاعات، صحت واري وزارت جي سيڪريٽري ۽ ڪميٽي جي ٻين ميمبرن شرڪت ڪئي. اجلاس ۾ مدد لاءِ ايندڙ درخواستن جو جائزو وٺي ضرورتمند فنڪارن جي مالي امداد جي منظوري ڏني وئي.
