ڪنڌڪوٽ – 07 آڪٽوبر (اي پي پي) وزيراعظم شاهد خاقان عباسي چيو آهي ته پاڪستان پيٽروليم ڪمپني لميٽيڊ کي گذريل سال گئس جي پيدواري صلاحيت وڌائڻ لاءِ ٽاسڪ ڏنو ويو هو ڪمپني 8 مهينن اندر پيداواري صلاحيت کي پڄاڻي تي پهچائي هاڻي ئي گڊو پاور پلانٽ کي گئس جي سپلاءِ شروع ڪري ڇڏي آهي. جيڪڏهن پي پي ايل ڪمپني کي گذريل سال پئداوار وڌائڻ جي حوالي سان چئلينج نه ڏيون ته گڊو پاور پلانٽ کي گئس جي سپلاءِ نه ڪري سگهون ٿا پر پي پي ايل اِهو ڪم محدود مدت ۾ ڪيو ٻي صورت ۾ اسان کي مجبورن گڊو پاور پلانٽ جي سپلاءِ لاءِ ٻاهرين ڪمپنين کان گئس خريد ڪرڻي پوي ها. هن اهڙن خيالن جو اظهار ڪنڌڪوٽ ۾ پاڪستان پيٽروليم ڪمپني جي گئس فيلڊ جي پئداواري صلاحيت ۾ نمايان اضافي جي حوالي سان تقريب کي خطاب ڪندي ڪيو.
