اسلام آباد – 05 آڪٽوبر (اي پي پي) صدر ممنون حسين چيو آهي ته پاڪ چين لاڳاپن ۾ گذريل چئن سالن جي دوران تاريخ ساز سگهه ۽ گهرائي پيدا ٿي آهي، هي گرم جوشِ نسل در نسل هلندي، هن دور کي پاڪ چين لاڳاپن جو سنهري دور جي حيثيت سان سدائين ياد رکيو ويندو. هن اها ڳالهه چين جي عهدو ڇڏيندڙ سفير سن وي دونگ ۽ سندس گهرواري مادام وي ڊونگ سان ڳالهائيندي چئي. ان موقعي تي گهرو وفاقي وزير احسن اقبال، پرڏيهي سيڪريٽري تهمينه جنجوعه ۽ ٻيا اعليٰ عملدار به موجود هئا.
