استنبول – 21 آڪٽوبر (اي پي پي) وزيراعظم شاهد خاقان عباسي چيو آهي ته پاڪستان صحت، بنيادي ڍانچي، تعليم ۽ انساني وسيلن جي انتظام ۽ انصرام ۾ نائيجيريا سان تعاون ڪري سگهي ٿو، ٻنهي ملڪن جي وچ ۾ واپار جا بي پناهه موقعا موجود آهن ۽ انهن موقعن کي ٻنهي ملڪن جي عوام جي فائدي لاءِ استعمال ۾ آڻي سگهجي ٿو. هن اها ڳالهه ترڪي جي ميزباني ۾ اسرندڙ ملڪن جي تنظيم ڊي ايٽ جي نائين سربراهه اجلاس جي موقعي تي نائيجيريا جي صدر محمد بوهاري سان ڇنڇر ڏينهن ترڪي جي تاريخي شهر استنبول ۾ ملاقات دوران چئي. ملاقات دوران ٻنهي اڳواڻن ٻه طرفي لاڳاپن، مختلف شعبن ۾ ٻنهي ملڪن جي وچ ۾ لاڳاپن کي فروغ جي امڪانن ۽ گڏيل دلچسپي جي ٻين معاملن تي خيالن جي ڏي وٺ ڪئي
