اسلام آباد – 20 آڪٽوبر (اي پي پي) صدر ممنون حسين چيو آهي ته پاڪستان جا ملائيشيا، اردن ۽ ويٽنام سان گهرا لاڳاپا آهن ۽ پاڪستان انهن لاڳاپن ۾ وڌيڪ اضافي جو خواهشمند آهي ته جيئن انهن ملڪن سان واپار، سيڙپڪاري ۽ عوامي رابطن کي سگهه ڏئي سگهجي. ايوان صدر مان جاري ٿيندڙ بيان موجب اها ڳالهه هن ملائيشيا جي عهدو ڇڏيندڙ هاءِ ڪمشنر ڊاڪٽر حسر الثاني بن مجتبار، ويٽنام جي عهدو ڇڏيندڙ سفير نگوين زوين لو ۽ پاڪستان جي اردن ۾ نامزد سفير سان ڳالهائيندي چئي جنهن ايوان صدر ۾ ساڻس ڌار ڌار ملاقاتون ڪيون.
