استنبول – 20 آڪٽوبر (اي پي پي) وزيراعظم شاهد خاقان عباسي چيو آهي ته پاڪ چين اقتصادي راهداري (سي پيڪ) تحت پنهنجي مواصلاتي ۽ توانائي انفرااسٽرڪچر جي بهتري ۽ علائقائي رابطي جي فروغ تي ڌيان ڏيندي پاڪستان ڊي ايٽ ميمبر ملڪن سان سڀ کان وڌيڪ مفيد، مضبوط تر ريل، شاهراتي، فضائي ۽ سامونڊي رابطن جي ذريعي وسيع تر واپاري، اقتصادي حصيداري جو خواهشمند آهي. ڊي ايٽ ۾ ڪيترائي موقعا ۽ وسيلا ڏٺا ويا آهن، مجموعي صلاحيت کي عملي جامو پارائڻ ۽ پنهنجي اجتماعي وسيلن سان ڀرپور فائدو کڻڻ جي لاءِ هر سطح تي هر ميدان ۾ اسان جي وچ ۾ تعاون ۽ حصيداري جي ضرورت آهي، ان ڳالهه جو اظهار وزيراعظم شاهد خاقان عباسي ترڪي جي ميزباني ۾ نائين ڊي 8 جي سربراهي ڪانفرنس جي افتتاحي اجلاس کي خطاب ڪندي ڪيو.
