اسلام آباد – 13 آڪٽوبر (اي پي پي) وزيراعظم شاهد خاقان عباسي چيو آهي ته حڪومت ڪاروبار جي فروغ لاءِ سازگار فضا پيدا ڪرڻ ۽ عالمي مارڪيٽ ۾ چٽاڀيٽي جي حيثيت رکندڙ ملڪي مصنوعات جي تياري لاءِ هر ممڪن قدم کڻڻ جي لاءِ پرعزم آهي. هن اها ڳالهه آل پاڪستان ٽيڪسٽائيل ملز ايسوسيئيشن (آپٽما) جي وفد سان ڳالهائيندي چئي جنهن وزيراعظم آفيس ۾ ساڻس ملاقات ڪئي. ناڻي وارو وزير اسحاق ڊار، واپار وارو وزير پرويز ملڪ، وزيراعظم جا خصوصي صلاحڪار هارون اختر ۽ مفتاح اسماعيل ۽ لاڳاپيل وزارتن جا سينئر عملدار به موجود هئا.
