اسلام آباد – 24 سيپٽمبر (اي پي پي) پرڏيهي وزير خواجه محمد آصف هتي نيويارڪ ۾ آذربائيجان جي پرڏيهي وزير المار محرم اوگلو محمد ياروف سان گڏيل قومن جي جنرل اسيمبلي جي اجلاس جي موقعي تي ملاقات ڪئي. ملاقات ۾ ٻطرفي تعاون سميت ٻين معاملن تي خيالن جي ڏي وٺ ڪئي وئي. هتان ملندڙ پڌرائي موجب ملاقات ۾ ٻنهي اڳواڻن گڏيل تعاون کي وڌيڪ فروغ ڏيڻ جي لاءِ اعليٰ سطحي رابطن ۾ اضافي ۽ ٻطرفن لاڳاپن کي وڌيڪ بهتر بڻائڻ جي لاءِ اهم رخن تي خيالن جي ڏي وٺ ڪئي.
