نيويارڪ – 19 سيپٽمبر (اي پي پي) پرڏيهي سيڪريٽري تهمينه جنجوعه افغانستان جي نائب پرڏيهي وزير حڪمت ڪرزئي سان ملاقات ڪئي. ٻنهي ملڪن جي وچ ۾ رابطن کي مستحڪم بڻائڻ تي خيالن جي ڏي وٺ ڪئي وئي. ٻنهي اڳواڻن جي وچ ۾ ملاقات گڏيل قومن جي جنرل اسيمبلي جي 72 هين اجلاس جي موقعي تي هتي نيويارڪ ۾ ٿي. پرڏيهي آفيس موجب ملاقات دوران پاڪستان ۽ افغانستان ۾ امن ۽ استحڪام جي گڏيل مقصدن کي حاصل ڪرڻ لاءِ ٻنهي ملڪن جي وچ ۾ تعاون کي مضبوط بڻائڻ جي ضرورت تي زور ڏنو ويو.
