لاهور – 25 سيپٽمبر (اي پي پي) صدر ممنون حسين چيو آهي ته پاڪستاني قوم، هٿياربند فوج ۽ خاص طور تي پاڪ بحريه قومي سلامتي کي درپيش هر قسم جي خطرن کي منهن ڏيڻ جي صلاحيت رکي ٿي پر ان جي باوجود ضروري آهي ته خطي ۾ جوهري پکيڙ، روايتي بحري قوت ۾ اضافي جي لاءِ وڏي پيماني تي ڪيل سيڙپڪاري، متعارف ٿيندڙ روزاني نئين ٽيڪنالاجي ۽ اهڙي طرح جي ٻين روايتي ۽ غير روايتي چئلينجن کان آگاهي ۽ انهن کي منهن ڏيڻ جي لاءِ پوري منصوبابندي ۽ ڀرپور صلاحيت حاصل ڪرڻ تي ڌيان ڏنو وڃي. صدر اها ڳالهه لاهور ۾ پاڪستان نيوي وار ڪاليج جي اهتمام هيٺ منعقد ميري ٽائيم سيڪيورٽي ورڪشاپ جي شرڪت ڪندڙن کي خطاب ڪندي چئي جنهن ۾ چيف آف نيول اسٽاف ايڊمرل محمد ذڪاءُ الله، ڪمانڊنٽ پاڪستان نيوي وار ڪاليج ريئر ايڊمرل معظم به موجود هئا.
