اسلام آباد – 24 سيپٽمبر (اي پي پي) وزيراعظم شاهد خاقان عباسي گڏيل قومن جي جنرل اسيمبلي ۾ پنهنجي خطاب ۾ ڪشمير تي گڏيل قومن جو خصوصي نمائندو مقرر ڪرڻ، پاڪ آمريڪا لاڳاپن کي ٻِيهر معمول تي آڻڻ جي لاءِ مفيد ملاقاتن تي ٻڌل آمريڪا جو دورو مڪل ڪري ورتو. پنهنجي 5 ڏينهن جي دوري دوران وزيراعظم شاهد خاقان عباسي دهشتگردي خلاف پاڪستان جي ڪاميابين ۽ عالمي سيڙپڪاري جي لاءِ پاڪستان جا دروازا کولڻ بابت عالمي اڳواڻن کي آگاهه ڪيو، جيتوڻيڪ وزيراعظم شاهد خاقان عباسي جو 18 کان 22 سيپٽمبر جو نيويارڪ جو هي دورو گڏيل قومن جي جنرل اسيمبلي جي 72 هين اجلاس کي خطاب جي لاءِ هو جڏهن ته هن ان موقعي تي عالمي اڳواڻن، ٿنڪ ٽينڪس ۽ بزنس ڪميونٽي سان پڻ ملاقاتون ڪيون ۽ انهن کي پاڪستان مان دهشتگرد عنصرن جي خاتمي ۽ امن جي بحالي لاءِ کنيل قدمن کان آگاهه ڪيو.
