اسلام آباد – 26 سيپٽمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته محمد نواز شريف احتساب عدالت ۾ پيش ٿي اڄ به پاڪستان جي آئين ۽ قانون جي پاسداري ڪئي ۽ ادارن کي مستحڪم ڪرڻ جو نئون مثال قائم ڪيو، خدشن جي باوجود ادارن جو احترام ۽ آئين ۽ قانون جي پاسداري ڪير ڪري رهيو آهي؟ سڄو پاڪستان ڏسي رهيو آهي، ادارن کي ڌمڪائي، گاريون ڏئي، توهين ڪري معافي ڪير وٺي رهيو آهي؟ اهو به سڄو پاڪستان ڏسي رهيو آهي، محمد نواز شريف سمورن قانوني حقن جي باوجود عملي طور آئين ۽ قانون جي پاسداري ڪئي ۽ ادارن جي عزت ڪئي، محمد نواز شريف پاڪستاني قوم جي ووٽ جي تقدس ۽ تحفظ جو ذمو کنيو آهي، پاڪستان جي عوام جي ووٽ جي تقدس سان ئي پاڪستان جو تحفظ واڳيل آهي. پنهنجي بيان ۾ مملڪتي وزير مريم اورنگزيب چيو ته محمد نواز شريف سمورن قانوني حقن جي باوجود عملي طور آئين ۽ قانون جي پاسداري ڪئي ۽ ادارن جي عزت ڪئي.
