اسلام آباد – 28 سيپٽمبر (اي پي پي) صدر ممنون حسين چيو آهي ته امن امان ۽ معيشت جي بهتر صورتحال جي ڪري اڄ جو پاڪستان 2013ع جي پاڪستان جي مقابلي ۾ بهتر تصوير پيش ڪري رهيو آهي، صنعت ۽ واپار جي شعبي ۾ نمايان ترقي ٿي آهي. هن اها ڳالهه نيشنل ٽيڪسٽائيل يونيورسٽي جي ڪانووڪيشن جي خطاب ڪندي چئي، صدر چيو ته ملڪ جي اڪثر حصن ۾ امن امان جي صورتحال اطمينان جوڳي آهي جنهن جي نتيجي ۾ صنعت ۽ واپار جي شعبي ۾ نمايان ترقي ٿي آهي ۽ عوام جا مسئلا گهٽ ٿيا آهن. ان صورتحال ۾ ضروري آهي ته پوري قوم حڪومت ۽ قومي ادارن جي پويان بيهي وڃي ته جيئن بدامني جي سمورن سببن جو خاتمو ڪري ان جي ذميدارن کي ڪيفر ڪردار تائين پهچائي سگهجي.