اسلام آباد – 27 سيپٽمبر (اي پي پي) وزيراعظم شاهد خاقان عباسي چيو آهي ته فاٽا کي مرڪزي ڌارا ۾ آڻڻ ۽ عارضي طور بي گهر ٿيل ماڻهن جي مڪمل بحالي حڪومت جي اهم ترجيح آهي، قبائلي علائقن جي ماڻهن عسڪريت پسندي خلاف تمام وڏي قيمت ادا ڪئي آهي ۽ قومي ڪاز جي لاءِ وڏيون قربانيون ڏنيون آهن. اهڙن خيالن جو اظهار هن سيفران واري وزارت پاران وزيراعظم آفيس ۾ ڏنل بريفنگ دوران ڪيو. اجلاس ۾ وزيراعظم فاٽا کي مرڪزي ڌارا ۾ آڻڻ ۽ قبائلي علائقن جي ماڻهن کي سماجي ۽ معاشي ترقياتي منصوبن ذريعي ملڪ جي ٻين علائقن جي سطح تي آڻڻ جي لاءِ کنيل قدمن جو جائزو ورتو.
