اسلام آباد – 18 سيپٽمبر (اي پي پي) صدر ممنون حسين ترڪمانستان جي ٽن ڏينهن جي سرڪاري دوري کانپوءِ وطن واپس پهچي ويو. صدر کي ترڪمانستان جي نائب وزيراعظم دادبي اماجلديوف اشڪ آباد جي عالمي هوائي اڏي تي الوداع ڪيو. رخصت ٿيڻ کان اڳ صدر ممنون حسين ترڪمانستان جي يادگار آزادي ۽ آرچ آف نيوٽريلٽي جو دورو ڪيو. اشڪ آباد ۾ پنهنجي قيام دوران صدر پنجين ايشين انڊور ۽ مارشل آرٽس گيمز جي افتتاحي تقريب ۾ شرڪت ڪئي.
