اسلام آباد – 19 سيپٽمبر (اي پي پي) صدر ممنون حسين چيو آهي ته راولپنڊي ۾ آءِ ٽي يونيورسٽي قائم ٿيڻ سان سماجي ۽ اقتصادي ترقي جو عمل تيز ٿيندو ۽ تعليم جي شعبي ۾ وڌيڪ غير ملڪي سيڙپڪاري جو خوش دلي سان آجيان ڪئي ويندي. اها ڳالهه هن غير ملڪي سيڙپڪارن جي وفد سان ڳالهائيندي چئي جنهن سينيٽر ڪامران مائيڪل جي قيادت ۾ ساڻس ايوان صدر ۾ ملاقات ڪئي. وفد ۾ غير ملڪي ملٽي نيشنل ڪمپنين جا سربراهه شامل هئا. صدر ممنون حسين چيو ته تعليم انساني صلاحيتن ۾ اضافي جو سبب جو وڏو ذريعو آهي ۽ موجوده حڪومت سماجي ۽ اقتصادي شعبي ۾ ترقي جي لاءِ تمام گهڻي محنت ڪري رهي آهي.
