اسلام آباد – 06 سيپٽمبر (اي پي پي) وزيراعظم شاهد خاقان عباسي چيو آهي ته حڪومت جي ڀرپور ڪوششن سان توانائي جي شعبي ۾ بهتري آئي آهي ۽ اعلانيل ۽ اڻ اعلانيل لوڊشيڊنگ ۾ واضح گهٽتائي آئي آهي. وزيراعظم اهڙن خيالن جو اظهار ڪابينا جي توانائي بابت ڪميٽي جي اجلاس جي صدارت ڪندي ڪيو جيڪو وزيراعظم آفيس ۾ ٿيو. اجلاس ۾ ملڪ ۾ توانائي جي موجوده صورتحال تي تفصيلي غور ڪيو ويو. پاڻي ۽ بجلي واري سيڪريٽري توانائي جي حوالي سان موجوده صورتحال تي تفصيلي بريفنگ ڏني ۽ توانائي جي شعبي ۾ طلب ۽ پهچ جي صورتحال کان آگاهه ڪيو.