راولپنڊي – 13 سيپٽمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته جمهوريت جي فروغ ۾ ميڊيا جو اهم ڪردار آهي، صحافين سدائين جمهوريت تي حملي خلاف ڀرپور ڪردار ادا ڪيو آهي. اهڙن خيالن جو اظهار هن راولپنڊي پريس ڪلب ۾ ميڊيا ورڪرز ڪنوينشن کي خطاب ڪندي ڪيو. مملڪتي وزير مريم اورنگزيب چيو ته راولپنڊي پريس ڪلب منهنجو گهر آهي، جيستائين پاڪستان جي شهري جي ووٽ جي عزت نه ٿيندي پاڪستان ترقي نه ٿو ڪري سگهي، ويج بورڊ ميڊيا ورڪرز ۽ صحافين جو حق آهي، اڳوڻي اطلاعات واري وزير پرويز رشيد ان تي تمام گهڻو ڪم ڪيو ان جو پاڻ اعلان چاهيندو هو.
