اسلام آباد – 13 سيپٽمبر (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته ايشيا فلم فيسٽيول قومي تشخص کي اجاگر ڪرڻ ۾ مددگار ثابت ٿيندو، ملڪ ۾ عالمي ڪرڪيٽ جي بحالي ۽ پيس فلم فيسٽيول منعقد ٿيڻ امن امان قائم ٿيڻ سبب ممڪن ٿيو. اهڙن خيالن جو اظهار هن پاڪستان نيشنل ڪائونسل آف دي آرٽس (پي اين سي اي) ۾ اطلاعات واري وزارت جي اهتمام هيٺ ايشيا پيس فلم فيسٽيول جي تقريب کي خطاب ڪندي ڪيو.
