اسلام آباد – 27 سيپٽمبر (اي پي پي) آزاد ڪشمير جي وزيراعظم راجا فاروق حيدر خان سان سينيٽ ۾ قائدايوان راجا ظفر الحق ملاقات ڪئي. ٻنهي اڳواڻن لائين آف ڪنٽرول تي ڀارتي فائرنگ سبب هڪ شخص جي شهادت جي مذمت ڪئي. آزاد ڪشمير جي وزيراعظم راجا فاروق حيدر چيو آهي ته ڀارتي فوج معصوم ماڻهن کي نشانو بڻائي رهي آهي، عالمي برادري نوٽيس وٺي، هن چيو ته وادي ۾ جاري سياسي جدوجهد قابض فوج جا حوصلا ڪمزور ڪري ڇڏيا آهن، هن چيو ته هندستان جي فائرنگ سان شهيد ٿيندڙن کي سرڪاري اعزاز سان دفن ڪيو ويندو.
