اسلام آباد – 22 آگسٽ (اي پي پي) وزيراعظم شاهد خاقان عباسي چيو آهي ته پاڪستان مسلم ليگ (ن) ڪرپشن کان پاڪ حڪومت جو تصور ڏنو آهي، حقيقت ۾ هي ڳالهه اسان جي لاءِ نهايت قابل فخر آهي ته گذريل چئن سالن دوران ترقاتي منصوبن ۾ بدعنواني جو هڪ ڪيس به سامهون ناهي آيو، موجوده حڪومت قانون جي حڪمراني جمهوري تصورن جي بالادستي ۽ ادارن جي استحڪام تي پختو يقين رکي ٿي. پارليامينٽ جي ميمبرن جي سامهون حقيقي چئلينج گذريل چار سالن جي دوران حاصل ٿيندڙ فائدن کي سگهه ڏيڻ آهي. هن اها ڳالهه مسلم ليگ (ن) سان تعلق رکندڙ سينيٽرن سان ڳالهائيندي چئي جنهن وزيراعظم آفيس ۾ ساڻس ملاقات ڪئي.
