اسلام آباد – 04 آگسٽ (اي پي پي) اطلاعات ۽ نشريات جي مملڪتي وزير مريم اورنگزيب چيو آهي ته وزيراعظم شاهد خاقان عباسي جي چونڊ محمد نواز شريف جي آهي، اسان سڀني کي سندس چونڊ تي ڀرپور اعتماد آهي ۽ هو محمد نواز شريف جي ويزن کي اڳتي کڻي وڌندو. نجي ٽي وي چينل سان ڳالهائيندي هن چيو ته محمد نواز شريف 2013ع جي چونڊن ۾ عوام سان جيڪي واعدا ڪيا هئا انهن کي پورو ڪيو ويندو ۽ 2018ع تائين پاڪستان مان لوڊشيڊنگ ختم ٿي ويندي، هن چيو ته محمد نواز شريف موٽر وي جي ذريعي لاهور ويندو، جنهن جي انتظامن کي اڳوڻو گهرو وزير چوڌري نثار پاڻ ڏسي رهيو آهي، مريم اورنگزيب چيو ته محمد نواز شريف ڪافي عرصي کان ڪابينا ۾ واڌ ڪرڻ پئي چاهي
