اسلام آباد – 29 آگسٽ (اي پي پي) اقتصادي رابطا ڪميٽي (اي سي سي) پاڪستان اسٽيل ملز جي ملازمن کي ٻن مهينن جي پگهارن جي ادائيگي ۽ گلگت بلتستان کي هلندڙ مالي سال جي مڪمل ٿيڻ تائين ڪڻڪ جي سبسڊي ۾ ٻه رپيا في ڪلوگرام اضافي جي منظوري ڏئي ڇڏي آهي. اقتصادي ڪميٽي جو اجلاس وزيراعظم شاهد خاقان عباسي جي صدارت ۾ ٿيو. اي سي سي پيٽروليم ڊويزن پاران صوفيه گئس فيلڊ مان سوئي سدرن گئس ڪمپني (ايس ايس جي سي) کي 14.2 ايم ايم سي ايف ڊي گئس فراهم ڪرڻ جي تجويز جي پڻ منظوري ڏئي ڇڏي.
