اسلام آباد – 09 آگسٽ (اي پي پي) اطلاعات ۽ نشريات واري مملڪتي وزير مريم اورنگزيب چيو آهي ته محمد نواز شريف جي قافلي ۾ شريڪ ماڻهن سندس پنهنجي والهاڻي محبت جو اظهار ڪيو آهي، عوام سندس جهلڪ ڏسڻ ۽ آواز ٻڌڻ جي لاءِ بيقرار آهي، اهو آهي اهو اعتماد جيڪو عوام جو نواز شريف تي آهي جيڪو اڄ پوري قوم ڏٺو جيڪي ماڻهو کيس ووٽ ڏين ٿا اهي ڄاڻين ٿا ته سندن وزيراعظم ڪا ڪرپشن ناهي ڪئي ۽ ان جو ثبوت عوام جو اڄ جو اظهار يڪجهتي آهي، محمد نواز شريف سدائين ادارن جي احترام ۽ قانون جي پاسداري جي ڳالهه ڪئي آهي، جيڪڏهن هو ادارن سان ٽڪراءُ چاهي ها ته انهن آڏو پيش نه ٿئي ها. پي ٽي وي سان ڳالهائيندي مملڪتي وزير چيو ته جڏهن نواز شريف جو قافلو اسلام آباد کان لاهور جي لاءِ روانو ٿيو ته ملڪ جي هر ڪنڊ مان آيل ماڻهن سندس پنهنجي والهاڻي محبت جو اظهار ڪيو.