اسلام آباد– 25 آگسٽ (اي پي پي) وزيراعظم شاهد خاقان عباسي ملڪ مان پوليو جي خاتمي لاءِ حڪومت جي پختي عزم جو ورجاءُ ڪندي چيو آهي ته سڄي ملڪ مان ان بيماري جي مڪمل خاتمي کي يقيني بڻائڻ لاءِ ڪا به ڪسر نه ڇڏي وڃي. هو پوليو جي خاتمي بابت قومي ٽاسڪ فورس جي اجلاس جي صدارت ڪري رهيو هو. هن چيو ته ملڪ مان پوليو جو ڪو به هڪ ڪيس سامهون آيو ته ان کي سنجيدگي سان ورتو وڃي ۽ سڄي ملڪ مان ان بيماري جي مڪمل خاتمي کي يقيني بڻائڻ لاءِ ڪا به ڪسر نه ڇڏي وڃي. وزيراعظم چيو ته سرحدي علائقن ۾ پوليو وائرس جي موجودگي ۽ ان جو تيزي سان پکيڙجڻ پوليو جي مڪمل خاتمي جي راهه ۾ ايندڙ هڪ وڏو چئلينج آهي پر اسان ان تي ضابطو آڻڻ لاءِ مڪمل طور تي پرعزم آهيون.
