اسلام آباد – 21 آگسٽ (اي پي پي) وزيراعظم شاهد خاقان عباسي چيو آهي ته پاڪستان مسلم ليگ (ن) جي حڪومت ڪنهن سياسي وابستگي کان مٿانهون ٿي سڄي ملڪ جي عوام جي سماجي ۽ ثقافتي ترقي تي پڪو يقين رکي ٿي، وفاقي حڪومت عوام جي زندگين ۾ معياري تبديلي آڻڻ جي لاءِ سدائين جمهوري اصولن جي حمايت ڪئي آهي. هن اها ڳالهه خيبرپختونخواهه مان صوبائي اسيمبلي ميمبرن جي وفد سان ڳالهائيندي چئي جنهن سردار اورنگزيب نلوٿا جي سربراهي ۾ وزيراعظم آفيس ۾ ساڻس ملاقات ڪئي. ملاقات ۾ صوبي جي مجموعي صورتحال، ترقياتي منصوبن ۽ صوبي جي عوام کي درپيش مسئلن تي ڳالهيون ٿيون.