ڪراچي – 27 آگسٽ (اي پي پي) وزيراعظم شاهد خاقان عباسي چيو آهي ته حڪومت جو ويزن اهو آهي ته ايل اين جي جي ڪا به مقدار، ڪنهن به صارف کي ملڪ جي ڪنهن به ڪنڊ ۾ مهيا ڪئي وڃي ۽ 2019ع تائين فرنس آئل سان هلندڙ سمورن توانائي پلانٽس کي ايل اين جي تي منتقل ڪرڻ آهي، نجي شعبو ايل اين جي جي خريداري ۽ ٽرمينل ٺاهڻ جو ڪم ڪري ٿو ته حڪومت ان عمل کان ٻاهر هوندي ۽ حڪومت ان وقت ئي ان معاملي ۾ شامل ٿيندي جڏهن نجي شعبو ان ۾ ناڪام ٿي ويندو. ڪراچي ۾ وزيراعظم پي جي پي جي ايل اين جي پراجيڪٽ ٽرمينل تي بريفنگ جي موقعي تي ڳالهائيندي ڪيو ته ان منصوبي جو افتتاح هلندڙ سال نومبر ۾ ٿيندو.
