اسلام آباد – 25 آگسٽ (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته فنون لطيفه، ادب، قومي ورثي ۽ ثقافت کي فروغ ڏئي عالمي سطح تي پاڪستان جي مثبت تشخص کي اجاگر ڪري سگهجي ٿو، خطاطي جو هنر حاصل هجڻ هڪ سعادت آهي، اسلامي خطاطي فن ئي نه پر عقيدي جو اظهار آهي، اسلامي خطاطي جي فن پارن کي ڏسي جذبو پيدا ٿيندو آهي، نمائش جي انعقاد جو مقصد پاڪستان جي ثقافت کي عالمي سطح تي روشناس ڪرائڻ آهي، قائداعظم جو مقصد هو ته پاڪستان جمهوري ۽ مستحڪم ملڪ بڻجي اڀري، ايندڙ مهيني ۾ پاڪستان ۾ پهرين فلم فيسٽيول جو انعقاد ڪيو پيو وڃي جنهن ۾ سڄي دنيا جي بهترين فلمن جي نمائش ٿيندي، ملڪ جي مثبت اميج جي فروغ لاءِ موجوده حڪومت پهرين فلم اينڊ براڊ ڪاسٽنگ پاليسي جوڙي رهي آهي، اسان جي آبادي جو 60 سيڪڙو نوجوانن تي مشتمل آهي، پنهنجي يوٿ کي فنون لطيفه، ادب، قومي ورثي ۽ ثقافت جي ويجهو آڻڻو آهي. هو پاڪستان نيشنل ڪائونسل آف آرٽس ۾ قومي تاريخ ۽ ادبي ورثه ڊويزن ۽ تحقيق مرڪز براءِ تاريخ ۽ فن جي ۽ ثقافت اسلامي (اريسڪا) جي سهڪار سان پاڪستان جي 70 هين سالا جشن آزادي جي تقريبن جي سلسلي ۾ چار ڏينهن واري عالمي خطاطي نمائش جي افتتاحي تقريب کي خطاب ۽ صحافين سان ڳالهائي رهي هئي.
