ڪوئيٽا – 09 آگسٽ (اي پي پي) صدر ممنون حسين چيو آهي ته بلوچستان جو مستقبل روشن آهي، پاڪستان جي ترقي بلوچستان سان واڳيل آهي، بلوچستان ڪيترن ئي ڏهاڪن کان محرومين جو شڪار رهيو آهي، بلوچستان جي پسماندگي ۽ احساس محرومي جي خاتمي لاءِ موجوده حڪومت ڀرپور ڌيان ڏئي بهتر قدم کنيا آهن. اها ڳالهه صدر ممنون حسين بلوچستان يونيورسٽي جي 14 هين ڪانووڪيشن جي تقريب کي خطاب ڪندي چئي. صدر چيو ته بلوچستان پاڪستان جو هڪ اهڙو زرخيز خطو آهي جنهن اهڙين وڏين وڏين شخصيتن کي جنم ڏنو آهي جن جي علم، صلاحيتن ۽ ڪارنامن تاريخ جي ورقن تي دائمي نقش چٽيا آهن.
