اسلام آباد – 14 آگسٽ (اي پي پي) صدر ممنون حسين چيو آهي ته اڄ جو ڏينهن قيام پاڪستان لاءِ ڪيل تاريخي جدوجهد ۽ قربانين جي ياد ڏياري ٿو، قومن جو دفاع ۽ اقتصادي ترقي ۽ خوشحالي جو راز قومي اتحاد ۽ اتفاق ۾ لڪل آهي، قوم جي هر طبقي جي هي ذميداري آهي ته هو ملڪ جي معاشي، دفاعي، سياسي ۽ جمهوري استحڪام جي لاءِ هڪ آواز ٿي وڃي، پاڪستان ننڍي کنڊ جي مسلمانن جي پناهگاه ۽ عالمي امن ۽ استحڪام جي جدوجهد جو اڳواڻ آهي اهو ئي سبب آهي جو هي عظيم ملڪ پهرين ڏينهن کان ئي دشمن جي اک ۾ ڪنڊي جيئن کٽڪي رهيو آهي، دهشتگردي خلاف جنگ ۾ هٿياربند فوج به پاڪستاني قوم جي ڪلهو ڪلهي ۾ ملائي قربانيون ڏنيون جنهن تي قوم کي فخر آهي، پاڪ فضائيه طرفان 70 هين آزادي ڏهاڙي جي حوالي سان سومر ڏينهن هتي ايف نائين پارڪ ۾ منعقد فلائي پاسٽ جي تقريب کي خطاب ڪندي هن چيو ته اڄ جو ڏينهن ان عظيم عاليشان ملڪ جي قيام جي لاءِ ڪيل شاندار تاريخي جدوجهد ۽ ان جي لاءِ ڏنل قربانين جي ياد ڏياري ٿو
