اسلام آباد – 21 آگسٽ (اي پي پي) وزيراعظم شاهد خاقان عباسي چيو آهي ته ملڪ ۾ اقليتن جي تحفظ ۽ سمورن شعبن ۾ ميرٽ ۽ صلاحيت موجب کين ترقي جا موقعا فراهم ڪرڻ حڪومت جي اولين ترجيحن ۾ شامل آهن، اقليتن جي مسئلن کي حل ڪرڻ لاءِ حڪومت سمورا ممڪن قدم کڻندي. هن اها ڳالهه مذهبي معاملن واري پارلياماني سيڪريٽري خليل جارج جي قيادت ۾ مسيحي برادري جي وفد سان وزيراعظم آفيس ۾ ملاقات دوران چئي. وفد وزارت عظميٰ جو عهدو سنڀالڻ تي پاڪستان جي پوري مسيحي برادري طرفان وزيراعظم شاهد خاقان عباسي کي مبارڪباد ڏني.
