اسلام آباد – 24 آگسٽ (اي پي پي) پرڏيهي وزير خواجه محمد آصف چيو آهي ته آمريڪا جو دورو رد ناهي ٿيو، صرف تاريخ طئي ناهي ٿي، آمريڪا تمام گهٽ امداد ڏيندو آهي، جيڪڏهن هو امداد ڏيڻ بند به ڪري ڇڏي ته اسان کي ڪو به فرق نه پوندو، آمريڪي امداد کانسواءِ گذارو ڪري سگهون ٿا. سينيٽ اجلاس کانپوءِ ميڊيا سان ڳالهائيندي پرڏيهي وزير خواجه آصف چيو ته هن آمريڪا جو دورو شيڊول ڪري ورتو آهي تنهن هوندي به آمريڪا سان گڏوگڏ دوست ملڪن جو به دورو ڪندو، ٻين ملڪن سان به رابطا ڪيا ويندا.
