اسلام آباد – 16 آگسٽ (اي پي پي) صدر ممنون حسين چيو آهي ته آغا خان ڊولپمينٽ نيٽ ورڪ (اي ڪي ڊي اين) پاڪستان ۾ ڪيترن ئي منصوبن ۾ مصروف آهي ۽ ان جون جاري ڪوششون عوام جي زندگين ۽ بنيادي ڍانچي ۾ نمايان تبديلي آڻي رهيون آهن. هن اها ڳالهه آغا خان ڪائونسل فار پاڪستان جي صدر حافظ شير علي سان ڳالهائيندي چئي جنهن ايوان صدر ۾ ساڻس ملاقات ڪئي ۽ پرنس ڪريم آغا خان جي امامت جي ڊائمنڊ جوبلي جي موقعي تي صدر پاران مبارڪباد واري خط جي جواب ۾ پرنس ڪريم آغا خان پاران هڪ خط ان تائين پهچايو.
