اسلام آباد – 04 جولاءِ (اي پي پي) وزيراعظم محمد نواز شريف چيو آهي ته پاڪستان ۽ چين جي وچ ۾ مثالي لاڳاپا گڏيل احترام ۽ اعتماد تي ٻڌل آهن، پاڪستان انهن رابطن کي وڌيڪ سگهه ڏيڻ جي لاءِ سمورا دستياب موقعا ڳولڻ جو خواهشمند آهي، ٻئي ملڪ اقتصادي ۽ ترقياتي ڪوششن ذريعي خطي جي عوام جي خوشحالي جي لاءِ ڪم ڪري رهيا آهن. اهڙن خيالن جو اظهار هن چين جي ڪمپني نيشنل انرجي ايڊمنسٽريشن جي چيئرمين نور بيڪري جي قيادت ۾ ملاقات ڪندڙ وفد سان ڳالهائيندي چئي.
