مالي – 25 جولاءِ (اي پي پي) پاڪستان ۽ مالديپ مختلف شعبن ۾ ٻطرفن لاڳاپن کي فروغ ڏيڻ ۽ سارڪ جي ڪردار کي وڌيڪ موثر بڻائڻ جي لاءِ گڏجي ڪم ڪرڻ تي اتفاق ڪيو آهي. وزيراعظم محمد نواز شريف مالديپ جي صدر عبدالله يامين عبدالقيوم سان گڏيل پريس ڪانفرنس کي خطاب ڪندي چيو ته هن واپار، تعليم، سياحت، دفاع ۽ عوام جي عوام سان رابطن سميت گڏيل مفاد جي سمورن شعبن ۾ ٻطرفن لاڳاپن ۾ وڌيڪ اضافي ۽ استحڪام جي حوالي سان خيالن جي ڏي وٺ ڪئي وئي آهي. وزيراعظم محمد نواز شريف مالديپ جي صدر عبدالله يامين عبدالقيوم جي دعوت تي مالديپ جي ٽن ڏينهن جي سرڪاري دوري تي آهي ۽ هو اڄ 26 جولاءِ تي مالديپ جي 52 هين آزادي جي ڏهاڙي جي تقريبن ۾ خاص مهمان طور شرڪت ڪندو.