اسلام آباد – 05 جولاءِ (اي پي پي) وزيراعظم محمد نواز شريف جي ڌيءَ مريم نواز شريف چيو آهي ته وزيراعظم نواز شريف جي خلاف سازش ڪئي ويندي ته هو اڳ کان وڌيڪ طاقت سان واپس ايندو، سازشون ڪندڙ نه مڙيا ته نواز شريف چوٿون ۽ پنجون ڀيرو به وزيراعظم بڻجندو، نواز شريف کي روڪي سگهو ٿا ته روڪي وٺو نه ته پاڪستان مان دهشتگردي جو خاتمو ٿي ويندو، لوڊشيڊنگ جو خاتمو ٿي ويندو، رستن جو ڄار وڇي ويندو. اهڙن خيالن جو اظهار هن پاناما پيپرز ڪيس جي جاچ ڪندڙ گڏيل جاچ ٽيم ۾ پيشي کانپوءِ جوڊيشل اڪيڊمي ٻاهران صحافين سان ڳالهائيندي ڪيو. ان موقعي تي وزيراعظم جي ٻنهي پٽن حسين ۽ حسن نواز سميت اطلاعات ۽ نشريات واري مملڪتي وزير مريم اورنگزيب، مسلم ليگ (ن) جي اڳواڻن ۽ ڪارڪنن جو وڏو انگ موجود هو.
