اسلام آباد – 22 جولاءِ (اي پي پي) ناڻي واري وفاقي وزير سينيٽر اسحاق ڊار چيو آهي ته مون پنهنجو 34 سالا ٽيڪس رڪارڊ عدالت ۾ جمع ڪرائي ڇڏيو آهي جيڪو اڳ ۾ ئي 2007ع ۾ به اليڪشن ڪميشن آف پاڪستان ۾ جمع ڪرايو ويو آهي. هڪ نجي ٽي وي چينل سان ڳالهائيندي هن چيو ته ان ٽيڪس رڪارڊ ۾ هڪ به ڪاغذ نئون شامل ناهي ڪيو ويو ڇو ته سمورو رڪارڊ اڳ ۾ ئي (اي سي پي) اليڪشن ڪميشن آف پاڪستان، (نيب) قومي احتساب بيورو، (ايف آبي آر) فيڊرل بورڊ آف روينيو وٽ موجود آهي.