لاهور – 20 جولاءِ (اي پي پي) صدر ممنون حسين چيو آهي ته فلاحي اداري انسانيت جي بقاءُ لاءِ ضروري آهن، جتي هن وقت معاشري ۾ سٺن ڪم جي گهٽتائي ٿيندي پئي وڃي اتي اهڙن ڀلائي جي ادارن جو قيام ڪنهن نعمت کان گهٽ ناهي، ايس او ايس چلڊرنز ويلج انسانيت جي خدمتن لاءِ وڏو فرض سرانجام ڏئي رهيو آهي. هو گورنر هائوس لاهور ۾ ايس او ايس ويلج جي ٻارن سان ملاقات جي موقعي تي ڳالهائي رهيو هو، ايس او ايس ويلج جي ٻارن جي وفد جي قيادت اداري جي صدر ثريا انور ڪئي.
