اسلام آباد – 30 جولاءِ (اي پي پي) نئين قائد ايوان جي لاءِ مسلم ليگ (ن) جي نامزد اميدوار شاهد خاقان عباسي چيو آهي ته اسان عدالت جي فيصلي تي جيئن جو تيئن عمل ڪيو آهي، ان فيصلي کي نه پاڪستان جي عوام قبول ڪيو نه عالمي سطح تي قبول ڪيو ويو ۽ نه ئي تاريخ ان کي قبول ڪندي، قانون موجب ڪنهن کي اقامي تي نااهل نه ٿو ڪري سگهجي، چوڌري نثار علي خان پارٽي جو اهم اڳواڻ آهي ۽ رهندو، محمد نواز شريف جي ايجنڊا کي اڳتي وڌائينداسين. شاهد خاقان عباسي جمعيت علماءِ اسلام (ف) جي سربراهه مولانا فضل الرحمان سان سندس رهائشگاهه تي ملاقات ڪئي ۽ ساڻس وزارت عظميٰ جي چونڊ ۾ حمايت جي درخواست ڪئي، ان موقعي تي ساڻس گڏ جنيد انوار چوڌري ۽ قيصر احمد شيخ پڻ هئا.