اسلام آباد – 07 جولاءِ (اي پي پي) اطلاعات واري وزارت پي ٽي وي، ريڊيو، پاڪستان نيشنل ڪائونسل آف آرٽس (پي اين سي اي) لوڪ ورثه جي پروگرامن بابت 70 سالا جشن آزادي جي تقريبن کي حتمي شڪل ڏئي ڇڏي آهي جڏهن ته اطلاعات واري مملڪتي وزير مريم اورنگزيب اطلاعات واري وزارت ۽ لاڳاپيل ذيلي ادارن جي عملدارن تي ٻڌل نگران ڪميٽي قائم ڪرڻ جي هدايت ڪئي آهي. اها ڪميٽي آزادي جي 70 سالن جي جشن جي سلسلي ۾ تخليقي پروگرامن ۽ ايونٽس ترتيب ڏيڻ جي عمل جي نگراني ڪندي. اطلاعات ۽ نشريات واري مملڪتي وزير مريم اورنگزيب چيو ته هن سال جشن آزادي جو ڏهاڙو ڀرپور انداز ۾ قومي جوش ۽ جذبي سان ملهايو ويندو.
