اسلام آباد – 27 جون (اي پي پي) پرڏيهي آفيس جي ترجمان چيو آهي ته پاڪستان هر قسم جي دهشتگردي جي خاتمي لاءِ پرعزم آهي، عالمي برادري پاڪستان جي قربانين کي ساراهيو آهي، ڪشميري گذريل 7 ڏهاڪن کان آزادي جي جدوجهد ڪري رهيا آهن، والاريل ڪشمير ۾ انساني حقن جون سخت خلاف ورزيون ڪيون پيون وڃن، ڪشميرين جي خودمختياري جي حق جي جدوجهد ڪندڙن کي دهشتگرد قرار ڏيڻ ناانصافي آهي. پرڏيهي آفيس جي ترجمان هڪ سوال جي جواب ۾ چيو ته پاڪستان هر قسم جي دهشتگردي جي خاتمي لاءِ پرعزم آهي.