اسلام آباد – 13 جون (اي پي پي) اطلاعات، نشريات ۽ قومي ورثي واري مملڪتي وزير مريم اورنگزيب چيو آهي ته وزيراعظم محمد نواز شريف ٽيون ڀيرو ملڪ جو وزيراعظم بڻيو آهي ۽ کيس چڱي ريت خبر آهي ته جي آءِ ٽي ڪيئن ڪم ڪندي آهي، جي آءِ ٽي جي حوالي سان خدشن جو اظهار ڪرڻ شريف فيملي جو حق آهي، ملڪ ۾ ڪرايل سمورين سرويز موجب وزيراعظم پاڪستان جو مقبول ترين ليڊر آهي، پارليامينٽ هڪ خودمختيار ادارو آهي. اهڙن خيالن جو اظهار هن هڪ نجي ٽي وي چينل جي پروگرام ۾ ڳالهائيندي ڪيو. هن چيو ته وزيراعظم محمد نواز شريف 2013ع جي عام چونڊن ۾ وڏي اڪثريت سان ٽيون ڀيرو وزيراعظم چونڊيو آهي ۽ کيس ان ڳالهه جي مڪمل خبر آهي ته جي آءِ ٽي ڪيئن ڪم ڪندي آهي.
