اسلام آباد – 07 جون (اي پي پي) وزيراعظم محمد نواز شريف فرانس جي صدر امينوئل ميڪرون کي فرانس جو صدر چونڊجڻ تي مبارڪباد ڏيندي ٻنهي ملڪن جي وچ ۾ دوستاڻن لاڳاپن کي وڌيڪ مستحڪم ڪرڻ جي پنهنجي عزم کي ورجايو آهي. وزيراعظم فرانسيسي صدر کي ٽيليفون ڪئي ۽ تازين چونڊن ۾ تاريخي ڪاميابي ۽ صدارتي عهدو سنڀالڻ تي مبارڪباد ڏني. وزيراعظم ٻنهي ملڪن جي وچ ۾ دوستاڻن لاڳاپن کي وڌيڪ مستحڪم ڪرڻ جي پنهنجي عزم کي ورجايو ۽ چيو ته فرانس جي موجوده صدر جي متحرڪ قيادت ۾ ٻنهي ملڪن جي وچ ۾ ٻطرفا لاڳاپا وڌيڪ مستحڪم ٿيندا.
